Dy raste të dhunës në familje vijnë nga Cërriku dhe Belshi, ku dy burra janë vënë në prangat e policisë pas denoncimit të bërë ndaj tyre nga ana e familjarëve.
Specialistët për hetimin e krimit në Komisariatin e Policisë Cërrik arrestuan në flagrancë shtetasit: A. S., 35 vjeç, banues në Belsh.
Ky shtetas, për motive të dobëta, ka ushtruar dhunë fizike ndaj bashkëshortes së tij. Gjatë kontrollit të ushtruar nga shërbimet e Policisë në banesën e tij u gjetën e sekuestruan në cilësinë e provës materiale një armë zjarri tip pushkë dhe 44 fishekë, të cilat i posedonte pa lejen e organeve përkatëse.
Gjithashtu në pranga ka përfunduar edhe S. S., 41 vjeç, banues në Cërrik, pasi ka ushtruar dhunë psikologjike dhe fizike ndaj bashkëshortes dhe fëmijëve të tij duke i kanosur me thikë.
Gjatë kontrollit fizik të ushtruar nga shërbimet e Policisë, këtij shtetasi iu gjet një thikë dhe një dorezë e modifikuar.
Për të dyja rastet, materialet i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.
/a.r
