Një person nga Gramshi ndodhet në gjendje të rëndë në spitalin e Traumës në Tiranë, pasi është qëlluar me dorezë metalike në kokë. Autori i dyshuar është shtetasi E. K., 35 vjeç, banues në fshatin Gribë të cilin policia e ka arrestuar me akuzën “Plagosja e rëndë me dashje”.
Ndërkohë i plagosuri “E. K., 39 vjeç, banues në Gramsh, ndodhet për mjekim në Spitalin e Traumës në Tiranë”.
Ndërsa një çift te rinjsh, kane dhunuar njeri-tjetrin dhe kane perfunduar ne polici. Madje 28-vjeçarja ka dhunuar edhe kunatin e saj. Burre e grua do te hetohen ne gjendje te lire.
Njoftimi
Specialistët e Hetimit të Krimit të Komisariatit të Policisë Gramsh arrestuan në flagrancë shtetasin E. K., 35 vjeç, banues në fshatin Gribë, Gramsh, për veprën penale “Plagosja e rëndë me dashje”, pasi në lagjen “Sporti”, Gramsh, ka qëlluar me dorezë metalike, në kokë, duke i shkaktuar dëmtime të rënda, shtetasin E. K., 39 vjeç, banues në Gramsh, i cili ndodhet për mjekim në Spitalin e Traumës në Tiranë.
Specialistët e Hetimit të Krimit referuan materialet në Prokurorinë pranë Gjykatës së Shkallës së Parë Elbasan, për shtetasit:
E. K., 28 vjeçe dhe A. K., 29 vjeç (burrë dhe grua), banues në fshatin Dardhë, Librazhd, për veprën penale “Dhuna në familje”, pasi kanë ushtruar dhunë fizike ndaj njëri-tjetrit, në banesë. Gjithashtu, 28-vjeçarja ka ushtruar dhunë edhe ndaj kunatit të saj, shtetasit G. K.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme./m.j
