Pas takimit trepalësh Rama-Meta-Basha për reformën në drejtësi, negociatat për të arritur konsensusin iu besuan tre përfaqësuesve të zgjedhur nga secila forcë politike.
Raportohet se gjatë natës tre gegociatorët, Oerd Bylykbashi nga PD-ja, Ylli Manjani nga LSI-ja dhe Ëngjëll Agaçi nga PS-ja kanë vijuar punën në një tryezë të përbashkët te Kryesia e Kuvendit.
Ata pritet të vijojnë dhe sot bisedimet për gjetjen e nje zgjidhje kompromisi për draftin kushtetues, bazuar mbi “propozimin hibrid” dhe rekomandimet finale të Komisionit të Venecias.
Gazetarja e News 24, Marsela Karapanço, duke iu referuar burimeve brenda tryezës së negociatorëve, tha se ata janë shumë pranë marrëveshjes për reformën. Të njëjtat burime thonë se ka një përparim substancial për reformën.
Pas takimit të djeshëm Meta-Rama-Basha, kryeministri Edi Rama, në një fjalim të tij, paralajmëroi se procesi i reformës mund të shënojë një “ndarje të re dramatike” për vendin. Ndërsa kryetari i Kuvendit, Ilir Meta, u shpreh optimist se reforma do të votohet të enjten dhe se palët janë shumë afër një marrëveshje.
BW/d.i.
