Është lënë në burg Roland Kryemadhi, besimtari mysliman që nuk lejonte fëmijët të shkonin në shkollë.
Madje mbi të rëndon edhe akuza e kërcënimit të punonjësit të policisë. Ai u vu në pranga pasi refuzonte që t’i dërgonte fëmijët në shkollë, me pretendimin se “ata i mëson Allahu”.
Dhe kur policia shkoi në banesën e tij, u has me rezistencë dhe kërcënime nga ana e Kryemadhit.
Pas negociatave të bëra nga Forcat Speciale RENEA me autorin, për t’u dorëzuar, Kryemadhi është vetëdorëzuar, në pamundësi për t’u larguar nga banesa.
Ndërkohë, sa i përket vendimit të gjykatës ditën e sotme, avokati i besimtarit u shpreh se Kryemadhi nuk është person me rrezikshmëri.
Madje tha se mbajtja e tij në burg është kosto e madhe edhe për familjen, pasi jeton në kushte të rënda ekonomike.
/a.r
