Kompania luksoze britanike ‘’Burberry’’ shkatërroi vitin e kaluar veshje dhe produkte kozmetike me vlerë rreth 28 milionë stërlina (31 milionë euro) për qëllimin mbrojtjen e markës së saj, sipas raportit të saj të përvitshëm.
Vlera totale e mallrave të shkatërruar në pesë vitet e shkuara shkon ndërkohë në më shumë se 90 milionë paundë ose rreth 100 milionë euro. Kompanitë e modës, përfshirë “Burberryn”, shkatërrojnë mallrat e padëshiruara me qëllim që ato të mos vidhen apo të shiten me çmime më të lira.
“Burberry” tha se energjia e gjeneruar nga djegia e produkteve të tij, nuk ishte çuar dëm çka e kishte bërë procesin miqësor me ambientin.
“Burberry” nuk është e vetmja kompani që është detyruar të përballet me tepricë mallrash luksi.
Ambientalistët ndërkohë janë të zemëruar për shpërdorimin. Burberry është mbrojtur përballë kritikave duke siguruar se po punon me kompani të specializuara që janë të afta për të rifituar energjinë e procesit të shkatërrimit. Kur je i detyruar të shkatërrosh produkte, e bën në mënyrë të përgjegjshme dhe duke kërkuar mjetet për të ulur dhe rivlerësuar mbetjet tona.
“Pavarësisht çmimeve të tyre të larta, “Burberry” dhe të tjerë, nuk tregojnë respekt për produktet e tyre, punën e madhe dhe burimet natyrore të përdorura për ti prodhuar ato”, shprehen ambjentalistët.
/b.d
