Ish ministri i jashtëm Aldo Bumçi i bën thirrje azilkërkuesve shqiptarë që pritet të kthehen në tokën e tyre mëmë, që të shprehin pakënaqësitë e tyre nëpërmjet votës, e kësisoj të ndryshojnë jetët e tyre. Tashmë pritet që nga Gjermania të kthehen rreth 100 mijë azilkërkues shqiptarë e kosovarë në vendet e tyre respektive. Në një intervistë për gazetën Shqiptarja. Com demokrati Bumçi i bën thirrje kujtdo që të vendosë për ndryshimin e Shqipërisë nëpërmjet votës.
“Na thanë miqtë tanë partnerët tanë nuk zgjidhen hallet duke marrë valixhet dhe ikur, të rrimë këtu shqiptarët kanë fituar të drejtën e lëvizjes pas viteve 90 me viza pa viza, pas 2010 pa viza kanë fituar dhe të drejtën për të votuar, ta përdorin atë të drejtë për të ndryshuar jetën e tyre. Për kryeministrin nuk ka asgjë për të ndryshuar do vazhdojë po kjo histori, shqiptarët duan të ndryshojnë”-tha Bumçi
Bumçi tha se pavarësisht se ky fenomen është kthyer në një shqetësim real edhe për vendet pritëse, për kryeministrin nuk ekziston.
“Sipas kryeministrit tonë asgjë nuk ka për të ndryshuar. Nuk kishte lajm që do ndryshonin gjërat në Shqipëri ai madje mohoi dhe fluksin e shqiptarëve për azil, tha janë shqiptarë nga Greqia kur vetë autoritetet gjermane kanë dalë dhe kanë thënë që janë shqiptar të Shqipërisë, po i kthejnë në Shqipëri dhe kur kryeministri dhe qeveria janë të verbër dhe të shurdhër nuk shohin nuk dëgjojnë do të thotë që asgjë s ka për të ndryshuar”-thotë Bumçi
