Vijojnë operacionet për goditjen e veprimtarisë kriminale të kultivimit të bimëve narkotike.
Goditet një tjetër rast i kultivimit të bimëve narkotike, i raportuar në Portalin “Komisariati Dixhital”.
Asgjësohen 2.011 bimë të dyshuara Cannabis Sattiva.
Bimët ishin të kultivuara në dy parcela të hapura rishtas në një zonë të thepisur dhe të pyllëzuar në teritorin e fshatit Peshk, Krastë të njësisë Administrative Martanesh
Shpallen në kërkim dy shtetas si autorë të dyshuar të kultivimit të bimëve narkotike.
Efektivat e Komiariatit të Policisë Bulqizë po vijojnë zbatimin e masave të përcaktuara në planin e masave për parandalimin dhe goditjen e kultivimit të bimëve narkotike.
Në këtë kuadër, në vijim të kontrollit të përditshëm të territorit, si dhe bazuar në një informacion të raportuar në Portalin Komisariati Dixhital dhe informacioneve të grumbulluara në rrugë operative, u bë e mundur goditja e një tjetër rasti të kultivimit të bimëve narkotike dhe konkretisht:
Në vendin e quajtur Xixell të fshatit Peshk,Krastë, në një vend shumë të thepisur dhe të rrethuar me pemë dushku janë konstatuar dy parcela afër me njëra- tjetrën të kultivuara me bimë narkotike.
Nga kqyrja e bërë nga grupi hetimor rezultoi se në këto parcela ishin të kultivuara 2.011 rrënjë bimë të dyshuara narkotike Cannabis Sattiva, të cilat u asgjësuan me anë të djegies, ndërsa disa bimë u sekuestruan në cilësinë e provës materiale.
Si rezultat i veprimeve profesionale dhe hetimore u bë shpallja në kërkim e dy shtetasëve si autorë të dyshuar të kultivimit të bimëve narkotike në dy parcelat dhe konkretisht shtetasit N.G,39 vjeç dhe G.P 30 vjeç, banues në fshatin Peshkë të njësisë Administrative Martanesh Bulqizë.
Materialet proceduriale për këtë ngjarje, në ngarkim të shtetasve N. G. e G.P do t’i kalojnë Prokurorisë së Rrethit Gjyqësor Dibër, për veprën penale “Kultivim i bimëve narkotike’”, parashikuar nga neni 284 i Kodit Penal./a.m.
