• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Bulmet politik tek brima e çelësit

by Enkel Demi
03/06/2016 15:31
Shperndaj ne FacebookShperndaj ne Twitter

Nga Enkel Demi

Zhurmnajë të këtillë për një filmim, qyteti nuk kishte ndjerë qysh kur u hap fjala se “dyshi jugosllavit” do të japë “Tango e fundit në Paris”. Edhe në at’botë njerëzit pëshpërisnin vesh më vesh që Marlon Brando bën do gjëra të pacipa me një vajzë të njomë. Njerëzit ju sulën çative të banesave, sistemuan antenat, i sofistikuan ato, blenë “grupe” për televizorët bardh’ e zi, u mblodhën tufa-tufa nëpër shtëpi me ndonjë faqore raki, përzunë fëmijët në gjumë, mbyllën gratë nëpër oda dhe panë. Të nesërmen kishte nga ata që uronin të ishte margarinë bulmeti, sepse gjalpi me tollona nuk harxhohet për kësi gjërash.

Sot, po presim filmimin e një kryetari bashkie, i cili thuhet se është gjetur në pozicionin alla Klinton, por edhe një ministër, i cili diku në Amerikë Latine bën qejf me një gjysëm burrë-grua. Zhurmnaja është e njëjtë, ethet e kësaj kërshërie ngjajnë me kohët e vdekura të kryeqytetit, por kësaj here burimi i thashethemit është opozita, faqet pranë saj, makina e propagandës që vjen nga segmente të ndryshme të aleancës qeveritare. Tani, që Marlon Brando e Maria Schneider na kanë lënë, ndoshta duhen kuptuar do gjëra që shkojnë përtej kërshërisë së filmimeve porno.

Qeveria nuk bie, nëse ministri është pervers. Ai do ishte mirë të kapej duke bërë korrupsion, por jo në një hotel latin. Kjo është punë e tij. Tek e fundit mund t’i hypë ballëlart dyrrotakut e të bëjë shëtitje me Kristin, kur ky ka ditën e pranverës. Kryetari i Bashkisë në pozitën alla Klinton mund të përdorë të njëjtën strategji komunikimi dhe ndoshta ia hedh, por edhe nëse ngec në kurvërimin e tij, nuk e gjeti gjë Peshkopinë se mbeti pa Shukri. Në një farë mënyre të tërë ata që janë përfshirë në këtë thashethemnajë, janë ndoshta pa ndërgjegje bashkëpunëtorë të atyre që kanë vënë gjobë që këto filma të dalin ose jo në qarkullim.

Nuk mund të merret pushteti me punë brekësh dhe ofshamash dhe këtë e kanë thënë shumë të tjerë para meje. Opozita ka rrugë të tjera për ngjitur shkallaren e lodhshme drejt pushtetit, ndaj dëshpërimi i saj nuk mbulohet me video-sexy.

Një vit para zgjedhjeve Partia Demokratike është më e shkalafitur se kurrë. Degët e saj janë bërë lesh arapi, askush nuk i bindet askujt. Kryetari i PD-së nuk kontrollon grupin parlamentar, nuk prodhon politikë, por llogje Kavaje. Është arsyeja e vetme e shëndetshme që Edi Rama është në qeveri. Lulzim Basha del me orë të tëra në televizor, grin sallatë dhe në fund nuk i mban mend asgjë. Është shterpë ideologjikisht, shtërpë politikisht, thjesht rren. Gënjen njësoj si Bamir Topin që bëri sikur e afroi, si doktorin, si ambasadorët, si Johannes Hahn e deri tek Osmani i Durrësit. Megjithëse kanë nja tre vjet do gazetarë që duan ta bëjnë udhëheqës, ai nuk ka gjasë të shndërrohet. Më lehtë e bën hidraulik, po ta fusësh tek shkollat profesionale të Blendi Klosit, sesa njeri politik. Edhe kosi për t’u zënë ka nevojë për farë. Ky ka për borxh të prishet si qumësht dhe kos mos të bëhet kurrë, sepse nuk ka tharm. Doktori që e vuri, duhet të marrë guximin ta heqë dhe jo të bëjë si i pingosur me të. Të rihapë garën dhe të fitojë kush të dojë. Demokrat ka për të qenë dhe ka për të patur çertifikatën më të mirë për të marrë pushtetin, atë morale, të zgjedhur me vullnet të lirë. Nuk ka si e merr qeverinë njëri që ka thyer kutitë për të marrë partinë.

Kjo është një e vërtetë që e dinë dhe ata që do sulen për të sharë, edhe Ed’ Halimi që të hënën e mallkon, të martën i bën furçe në facebook.

Ndaj sido që të dalin ministrat, krerët e bashkive të Rilindjes zhurmnaja të nesërmen mbyllet me diskutimin në ishte margarinë apo gjalpë.

Next Post

Procesi "Çimka", pse nuk flet zv.ministri Ilir Marko?

Leave a Reply Cancel reply

Your email address will not be published. Required fields are marked *

TË FUNDIT

Baçi: Duhet të jetë lista 100% e hapur. Nuk duhen ruajtur deputetët që kanë frikë elektoratin

Baçi: Duhet të jetë lista 100% e hapur. Nuk duhen ruajtur deputetët që kanë frikë elektoratin

November 9, 2026
Mediat greke zbulojnë të kaluarën kriminale të Robert Dukës, i dyshuar për 28 grabitje bankash në Greqi

Mediat greke zbulojnë të kaluarën kriminale të Robert Dukës, i dyshuar për 28 grabitje bankash në Greqi

November 9, 2026
“Berisha është sjellë si një Ajatollah”, analisti: Irani dhe qarqe shoviniste greke po zhvillojnë luftë hibride në Shqipëri

“PD është në kaos dhe pa strategji” / Leka: Berisha s’mund të kërkojë zgjedhje të parakohshme, ja çfarë e pret opozitën

November 9, 2026
Pranoi tradhtinë ndaj gruas, CEO i Nvidia mund të përballet me një divorc prej 81 miliardë dollarësh

Pranoi tradhtinë ndaj gruas, CEO i Nvidia mund të përballet me një divorc prej 81 miliardë dollarësh

November 9, 2026
Flirtime e tradhti/ Meri Shehu bën parashikimin e mujor të horoskopit në BBV!

“Sonte fillon Hënë e re rigjeneruese”, Meri Shehu: Ja 4 shenjat që do të përjetojnë kthesë të papritur!

November 9, 2026
Rama ndan detaje nga takimi me Macron: Folëm për të gjitha temat me interes të përbashkët

Rama ndan detaje nga takimi me Macron: Folëm për të gjitha temat me interes të përbashkët

November 9, 2026
U transportua me urgjencë në Tiranë, presidenti i Skënderbeut i nënshtrohet ndërhyrjes në zemër

U transportua me urgjencë në Tiranë, presidenti i Skënderbeut i nënshtrohet ndërhyrjes në zemër

November 9, 2026
“Skifteri” shqiptar publikon bisedat me gazetarët anglezë: Më ofruan para! Ja çfarë i kërkova Nigel Farage

“Skifteri” shqiptar publikon bisedat me gazetarët anglezë: Më ofruan para! Ja çfarë i kërkova Nigel Farage

November 9, 2026

Shqipëria në sytë e një emigranti

November 9, 2026
Aksident në Qafë Plloçë! Makina me targa greke përplaset me “Benz”-in, plagoset një grua (Emrat)

Aksident në Qafë Plloçë! Makina me targa greke përplaset me “Benz”-in, plagoset një grua (Emrat)

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In