Bukuroshja shqiptare Elita Demiri nga Gostivari i Maqedonisë që jeton në Australi edhe pse e re në moshë duket se është shumë zemërgjerë.
Vetëm pak muaj më parë u përfol si shqiptarja që do të prezantojë Australinë në dy eventet më të rëndësishme të modës në botë, ‘’Miss World dhe Miss Universe’’ ndërsa përveç punës si modele dhe menaxhere ajo ka edhe organizatën e saj të bamirësisë ‘’Cambodianchildrensfund’’ që është e lidhur me shtetin e Kamboxhës.
Elita nga të ardhurat e saj ka vendosur ndërtimin e disa shkollave në Kamboxhia, ndërsa për Telegrafin ka thënë se ‘’Financimin e ndërtimit të shkollave e bëj vet nga financat e mia personale, edhe pse pagesën e bëj me pjesë pjesë sepse ndodh që mos të më mbërijnë dhe mua të ardhurat ku ndërtimi i një shkolle në kushte të atje shkon deri në 2000 dollar amerikan’’.
