Cristiano Ronaldo është ‘shokuar’ kur një bukuroshe australiane e ka refuzuar gjatë turneut të Real Madridit në Australi.
Aline Lima, nga Melbourne, ka treguar se Cristiano Ronaldos nuk i interesonte fakti se ajo kishte të dashur, duke kërkuar nga ajo që t’i dërgojë atij fotografi në palestër gjatë ushtrimeve, shkruan “Mirror”.
‘Miss Latina Australia’ e ka hedhur poshtë kërkesën e CR7, i cili i ishte përgjigjur: “Askush nuk do ta dijë, ‘baby’. Rri e qetë”.
Kur ajo ka vazhduar të thoshte jo, ai ishte nervozuar që ajo nuk dëshironte të ‘bashkëpunonte, duke i shkruar sërish: “E ke seriozisht?”.
Më pas, Lima i ka shkruar Ronaldos, duke e pyetur nëse ai ka biseduar me të dashurin e saj, Alex, i cili është tifoz i madh i Real Madridit, shkruan Zëri.
Gjatë bisedës, futbollisti ia ka kërkuar modeles numrin e telefonit dhe i ka ofruar asaj bileta për ta ndjekur ndeshjen e Realit ndaj Manchester Cityt në ‘Melbourne Cricket Ground’, gjatë International Champions Cup, në muajin korrik.
Lima ka kërkuar nga Ronaldo nëse do të mund ta merrte të dashurin me vete, por ai duket se preferonte më shumë që ta takonte bukuroshen vetëm.
“Po, e dashur, por është e vështirë. Unë nuk dua të takoj mashkull. Unë dua të takoj ty”, i është përgjigjur Ronaldo asaj në ‘Whatsapp’.
