Fotot e një autobusi, shpërndarë nga policia gjermane, janë publikuar nga të gjitha gazetat online në Gjermani si një objekt kurioziteti i paparë ndonjëherë dhe lajmi ka bërë bujë. Bëhet fjalë për një “shpikje” shqiptare, një shfrenim fantazie për përdorimin e mjeteve rrethanore, por që nuk të bën krenar, përkundrazi.
Një autobus me 50 turistë shqiptarë, në udhëtim drejt Holandës, është ndaluar nga policia e Këlnit për inspektim.
Policët janë shokuar pasi kanë parë që autobusi i kishte frenat copë dhe shoferi kishte vendosur një çelës anglez për ta forcuar.
Për shkak të mosmirëmbajtjes, autobusi 18-vjeçar i pavajisur ishte ndryshkuar.
Policia ka përpiluar katër faqe dhe një listë me 68 mangësi të autobusit dhe e kanë hequr nga qarkullimi me karroatrec, duke e cilësuar si të rrezikshëm.
Shoferi 45-vjeçar ka paguar një gjobë mbi 1300 euro, ndërsa grupi e vazhdoi udhëtimin me një autobus tjetër.
d.i.
