Marco Materazzi mendon se ka ardhur kohë që një portier ta fitojë “Topin e Artë”, e ai është Gianluigi Buffon. Portieri i Juventusit, Gianluigi Buffon, është kandidatë i mundshëm për ta fituar “Topin e Artë’, pas paraqitjeve mbresëlënëse këtë edicion me “Zonjën e Vjetër”.
Për të arritur te ky çmim, Buffon duhet t’i mposhtë Leo Messin e Cristiano Ronaldon, lojtarë të cilët kanë fituar “Topin e Artë” për nëntë vite me radhë (pesë Messi, katër Ronaldo).
Por legjenda e Interit, Marco Materazzi, beson se ka ardhur koha që Gianluigi Buffon do ngrejë në qiell këtë çmim, për shkak të gjithë asaj që ka bërë dhe po bën, pavarësisht moshës.
“Buffon është Buffon, ai nuk ka ndryshuar. Është ende i njëjti si në finale të Kupës së Botës në vitin 2006, kur ju nuk keni mundur t’i shënoni gol as në stërvitje”, tha fillimisht Materazzi në një intervistë për Gazzetta dello Sport.“Buffon Topin e Artë? Do të gëzohesha shumë nëse Buffon e fiton atë. Ai e meriton “Topin e Artë”, shtoi Materazzi, përgatiti “Gazeta Express”. (b.an)
