“Ishte një aktor i madh, jemi këtu për të”, shprehen fansat e Bud Spenser, i cili ndërroi jetë në 27 qershor në Romë në moshën 86 vjeçare, ndërsa janë duke pritur për të kryer homazhe në nderim të tij.
Disa fansa vendosin buqeta me lule duke i kërkuar leje tre fëmijëve të tij , Giuseppe, Christiana e Diamante dhe nipërve, të cilët shkëmbejnë shtrëngime duarsh, fjalë e buzeqeshje me një thjeshtësi të madhe.
“Po marrim mesazhe ngushëllimi nga e gjithë bota. Babai im ishte një personazh, që preferoi tërhejqen private por që ka merituar kaq shumë dashuri”, i tha gazetareve Giuseppe Pedersoli në një kujtim të shkurtër të babait të tij Bud Spenser.
Nuk e kujtoj kurrë të mërzitur, shtoi ai, por gjithmonë me buzëqeshje. Giuseppe Pedersoli nënvizoi se babai i tij ndërroi jetë qetësisht dhe jo nga sëmundje , siç shkruan disa gazeta. “Vdekja e tij ishte e papritur, nuk e prisnim pasi ishte kthyer në shtëpi pas shtrimit në spital si pasojë e një rrëzimi, nga i cili nuk e kishte marrë veten ende.
Para arkivolit të tij ishte vendosur një flamur i skuadrës së Lazios, pasi ishte tifoz i saj, si dhe disa korniza me fotografi të aktorit dhe shumë lule. Nga personalitetet e para që bënë homazhe ishte ish kryetari i bashkisë së Romës, Gianni Alemanno.
Shumë njerëz shkruajnë mbi librin e ngushëllimeve. Ka edhe shumë njerëz që bëjnë fotografi. Mes fotove, mesazheve në rrjetet sociale dhe kujtimeve, trishtimi ka prekur edhe rrjetet sociale, në të cilin janë postuar citime të shumta nga të apasionuarit e filmave të Bud Spencer. (java / r.a)
