Banka e Shqipërisë, vlerëson se pesha e remitancave nga Mbretëria e Bashkuar drejt Shqipërisë zuri rreth 11% te totalit te ketij treguesi për periudhën e gjashtëmujorit te dytë të vitit 2015, duke luajtur nje rol te konsiderueshem ne ekonomine shqiptare.
Sipas BSH kjo përfaqëson një vlerë transfertash prej 32.3 milionë eurosh apo 0.6% të PBB-së nominale. Gjithësesi, veren Banka e Shqipërisë ndalimi tërësor i remitancave nga ky vend është një ngjarje me probabilitet të ulët. Ndërkohë që, reduktimi i tyre mund të kishte efekte të vogla në nivelin e konsumit dhe në ritmin e rritjes ekonomike.
Banka e Shqipërisë thekson se pesha e importeve dhe e eksporteve me Britaninë ndaj totalit janë respektivisht rreth 0.8% dhe 0.2%. Frenimi i eksporteve shqiptare drejt MB-së do të kishte një efekt të pandjeshëm për ekonominë shqiptare.
Ndersa BSH veren se, stoku i investimeve të huaja direkte me origjinë nga MB-ja vlerësohej në 19.8 milionë euro në vitin 20141. Ky stok investimesh vlerësohet në 0.44% ndaj totalit të stokut të investimeve direkte në Shqipëri dhe në rreth 0.2% të PBB-së në vitin 2014.
Tërheqja e këtyre investimeve apo frenimi i fluksit hyrës të tyre, do të kishte një efekt të pandjeshëm për ekonominë shqiptare, thekson banka e Shqipërisë
