BSH: Kreditimi në lekë u rrit me 7.5%
Banka e Shqiperise evidenton se kreditimi në monedhen vendase lek, ka shfaqur ritme vjetore rritjeje prej 7.5% në tremujorin e dytë te ketij viti.
Ecuria pozitive e kredisë në lekë ka ndikuar në rritjen në 42.5% të peshës së këtij portofoli ndaj totalit, një peshë kjo 2.5 pikë përqindje më e lartë se në muajin maj të një viti më parë. Sipas BSH-se, kreditimi në valutë u tkurr me 0.7% në terma vjetorë.
Dobësia e kreditimit në valutë është diktuar si nga ndërgjegjësimi i agjentëve ekonomikë për rrezikun e kursit të këmbimit, ashtu dhe nga orientimi i kërkesës për kredi për investime në lekë. Kjo e fundit është favorizuar nga ngushtimi i dukshëm i diferencës së normave të interesit të kredisë në lekë, krahasuar me atë në euro.
