Guvernatori i Bankës së Shqipërisë Gent Sejko deklaron se është rritur punësimi dhe ka rënë në 12.5% norma e papunësisë në vend.
Guvernatori i Bankës së Shqipërisë, Gent Sejko konfirmoi sot se, rënia e papunësisë në 12,5% përbën nivelin më të ulët historik të papunësisë të regjistruar në Shqipëri, ndërsa po shënohet rritje progresive e numrit të përgjithshëm të të punësuarve në vendin tonë.
Sejko tha në një konferencë për shtyp se, “zgjerimi i aktivitetit ekonomik është shoqëruar me rritjen e punësimit dhe rënien në 12.5% të normës së papunësisë. Kjo normë përbën nivelin më të ulët historik të papunësisë të regjistruar në Shqipëri dhe sugjeron një përdorim gjithnjë e më të plotë të kapaciteteve prodhuese në vend”, deklaroi Guvernatori.
Ndërkohë që sipas informacionit zyrtar të Qeverisë Shqiptare, gjatë kësaj jave janë punësuar 16 persona në Berat, 76 në Durrës, 96 në Fier, 35 në Korçë, 12 në Dibër, 24 në Elbasan, 12 në Gjirokastër dhe 66 në Kukës. 17 janë të punësuar në Lezhë, 60 në Shkodër, 72 në Tiranë dhe 93 në Vlorë.
Pra në total janë 579 të punësuar në 1 javë.
/b.d
