Banka e Shqipërisë bëri të ditur se gjatë muajit gusht 2015, depozitat bankare arritën vlerën e 975 miliardë lekëve, duke shënuar një rritje mujore prej 6 miliard lekë dhe një rritje vjetore prej 1.3%.
Ekspertët shprehen se rritja e depozitave në këtë periudhë lidhet me kthimin e emigrantëve, që sjellin fluks në rritje të parasë dhe që reflektohet tek rritja e depozitave në valutë.
Ndërkohë që, sipas tyre faktor tjetër, që ka ndikuar është përfundimi i sezonit turistik që është shoqëruar me mbylljen në banka të përfitimeve të bizneseve të këtij sektori.
Gushti shënoi rritjen e parë të depozitave pas katër muajsh rënie rradhazi.
