Komisioni Europian paralajmëroi Kroacinë se nuk ka zhdukur korrupsionin dhe se duhet të reformojë sistemin e pagave publike, të stimulojë një jetë më të sigurt dhe të vërë rregull në kujdesin shëndetësor, raportoi e përditshmja kroate ”Jutarnji List”.
“Lufta kundër korrupsionit, veçanërisht në nivel lokal dhe në ndërmarrjet publike, reformimi i sistemit të pagave publike, reduktimi i rreziqeve të buxhetit të kujdesit shëndetësor, stimulimi i një jete më të gjatë pune dhe përmirësimi i sistemit të mirëqenies janë masat kryesore të reformës që mungojnë në Kroaci”, deklaroi komisioni në rishikimin vjetor të përparimit në masat e politikës publike për të korrigjuar pabarazitë makroekonomike, raportoi ”Jutarnji List”.
Rishikimi u bë në fund të muajit nëntor dhe mbulon periudhën deri më 5 nëntor.
Përveç këtyre masave, komisioni kërkon që Kroacia të intensifikojë përpjekjet për reformat që janë janë lënë pezull, kanë ngecur ose nuk janë duke u zbatuar sa duhet, si forcimi i përgjegjësisë fiskale, modernizimi i administratës publike, përmirësimi i menaxhimit të pasurive shtetërore, privatizimi i pasurive shtetërore, reformimi i profesioneve, ulja e taksave parafiskale dhe zvogëlimi i rasteve të prapambetura.
/a.r
