Avokati Idajet Beqiri në një intervistë në “Edicioni i Fundit”, foli për vizitën e Berishën në Bruksel, me misionin për të mos njohur zgjedhjet.
Berisha me bindje deklaroi se në këtë vizitë po e përmbush misionin, e po ia ngul në mendje europianëve, pse zgjedhjet e 11 majit ishin farsë dhe Shqipëria nuk e meriton integrimin në BE.
Avokati Idajet Beqiri u shpreh se Berisha është antishqiptar dhe se me vepra sipas tij ka treguar që është kundër popullit dhe vendit të tij. Avokati tha se ish-kryeministri prej kohësh ka deklaruar që Shqipëria nuk meriton të jetë në BE.
“Problemin e kapitullit Berisha unë e konsideroj të mbyllur për faktin që Shqipëria, shqiptarët, por edhe ndërkombëtarët, edhe pasi është shpallur non grata, ne po shohim tashmë që edhe ato parti që janë simotra të PD, kanë parë që Sali Berisha nuk përfaqëson dhe nuk ka asgjë të përbashkët me interesat e Shqipërisë dhe shqiptarëve. Ka treguar që është armik i përbetuar i shqiptarëve dhe me qëndrimet e tij ka vulosur atë të qenurit misionar i Serbisë”, tha ai.
Gjatë intervistës, më tej avokati u ndal te dosja “Partizani”.
“Në vazhdimësi shqiptarët ia kanë dhënë mësimin e duhur Berishës. Shqiptarët e panë se si erdhi në pushtet Berisha. Duke djegur, masakruar, duke trembur popullin e vet. Dhe vrau faktikisht. Donte të bëhej njësoj si Millosheviçi. Si mund të flasë Berisha për zgjedhje të lira, kur ai bëri masakrën më të tmerrshme në korrik të 1993”, tha ai.
Më tej shtoi se GJKKO sipas tij është kthyer në një vegël të Argita Berishës, duke nënvizuar se gjyqtarja Ulliri duhet të tërhiqet nga dosja “Partizani”
“Elsa Ulliri nuk duhet të ishte në këtë trup gjykues, duhet të kërkonte dorëheqjen”, tha më tej avokati Idajet Beqiri.
Avokati, theksoi se ish-kryeministri Sali Berisha është edhe arkitekti i trazirave të 1997.
“Berisha krimet i ka kryer dhe Shqipëria dhe shqiptarët i dinë. Drejtësia i di. Kanë dosjet në duar. E dimë që grumbulloi forca për të bombarduar jugun e Shqipërisë. Pilotët që dezertuan janë dëshmitarë të gjallë sot. Kush kishte dijeni për vrasjen e 2 prillit në Shkodër, janë më ata? I eliminoi ai, i zhduku ata”, tha ndër të tjera ai. Është më në këtë Safet Zhulali? Bëri zullume me Saliun, dhe kur e pa që po lëvizet ja dha edhe atij kokrrën e verdhë dhe iku ai. Të gjitha këto dihen, por ky vend ende nuk po bëhet me drejtësi”, theksoi ai.
