“SHBA nën drejtimin e Donald Trump do të vijojnë të ruajnë bashkëpunimin dhe partneritetin me Bashkimin Europian” është kjo deklarata që dha nga Brukseli zvpresidenti amerikan Mike Pence.
Në këtë formë Pence u përpoq të siguronte aleatët europianë të shqetësuar pas deklaratave të presidentit Trump sa i përket çështjes Brexit dhe Aleancës Euroatlantike.
Manjati ka mbështetur daljen e Britanisë nga Unioni duke thënë se ishte një lëvizje e zgjuar ndërsa NATO-n e ka konsideruar një organizëm të vjetëruar. Donald Tusk presidenti i Këshillit Europian u shpreh se Europa po mbështetej te SHBA për ta bërë kontinentin e vjetër më të bashkuar. Sipas Tusk takimi me Pence ishte tepër i nevojshëm duke patur parasysh edhe zhvillimet e fundit.
Nga ana tjetër edhe kreu i Komisionit Europian Juncker u shpreh se edhe SHBA kanë nevojë për një Europë të bashkuar dhe të fortë. Edhe gjatë konferencës së Sigurisë në Mynih Pence siguroi mbështetjn e e SHBA në NATO-n. Ai shtoi se SHBA do të vijonte të konsideronte Rusinë përgjegjëse për gjendjen në Ukrainë edhe pse Trump beson se me Moskën do të gjenden rrugë te tjera bisedimi.
ma.me
