Mogherini pohoi ndër të tjera se fokusi i takimit me krerët e qeverisë është situata aktuale në Ballkan.
“Arsyeja kryesore për të cilën kam thirrur 6 kryeministrat dhe kryeministriat e emëruar nga Ballkani është për të folur mbi situatën aktuale në Ballkan dhe rrugën që kemi pëprpara, rritjen e bashkëpunimit midis vendeve të rajonit dhe konsolidimin e fuqisë transformuese të Bashkimit Europian në Ballkan, me qëllim zhvillimin e shoqërive gjithëprfshirëse, qeverisjeve të mira dhe ekonomi vibrante”, pohoi diplomatja.
Rama niset për në Bruksel
Kryeministri Rama është shkëputur nga fushata politike në vend për zgjedhjet e 25 qershorit duke u nisur për në Bruksel, pasi është ftuar nga përfaqësuesja e lartë e Politikës së Jashtme dhe Sigurisë të Bashkimit Evropian, Federika Mogerini me kryeministrat nga Ballkani Perëndimor në një darkë.
Në takim do të marrin pjesë kryeministrat e Shqipërisë, Serbisë, Malit të Zi, Maqedonisë, Kosovës dhe Bosnjes. Sipas zëdhënëses së Mogerinit, Maja Koçijançiç, bisedimet për darkën joformale do të jenë për situatën në rajon lidhur me ngjarjet e fundit dhe të shihet se si të gjithë së bashku të mund të lëvizim përpara.
“Kjo darkë, gjithashtu do të jetë vazhdimi i vizitës së përfaqësues së lartë Mogerini në rajon në mars, të këtij vitit”, deklaroi zëdhënësja Koçijançiç.
