Aktori Bruce Willis dhe muzikanti John Mayer kënduan blues në koncertin vjetor të Fondacionit Amerikan për Jazz, i cili këtë vit i ka kushtuar një nderim të veçantë pianistëve legjendarë, Dr. John dhe McCoy Tyner.
Willis ka bërë një pushim prej regjistrimit të xhirimit të filmit “Death Wish”, i cili në vitin 1974 u luajt nga Charles Bronson në rolin kryesor, për të marrë pjesë në koncertin e mbajtur në teatrin “Apollo” në Neë York
Aktori ka luajtur me harmonikë me Henry Gray (91-vjeç), pianisti i cili u bë një figurë e rëndësishme në skenën blues e Chicago. Willis ka luajtur pastaj edhe me saksofonistin Lou Marini, duke interpretuar këngën “She’ll Be so Fine”.
Legjendari Ringo Starr u shfaq në bashkëpunim nëpërmjet një lidhje video, duke deklaruar se ai ka luajtur me Dr John të cilin ai e përshkroi si pianist të shkëlqyer.
Koncerti ka mbledhur 1.5 milion USD me qëllimin për të ndihur muzikantët në Baton Rouge, të cilët në gusht u janë dëmtuar shtëpi dhe instrumentet gjatë përmbytjeve të mëdha.
Fondacioni Amerikan për Jazz ofroi ndihmë mjekësore, strehim dhe ndihmë financiare për mijëra të përmbytur por edhe ndaj muzikantëve të xhazit, përgatiti BETA. (b.an)
