Miliona njerëz sot në Britani u janë drejtuar kutive të votimit për zgjedhjet parlamentare. Qendrat e votimit u hapën në orën 8:00 dhe do të mbyllen në orën 21:00.
Sipas të dhënave të drejtën për të zgjedhur 650 deputetë e kanë rreth 50 milionë britanikë.
Por edhe pse favoritë janë konservatorët e kryeministrit David Kameron, për të krijuar qeverinë e re, atij do t’i duhet të nisë negociata për një koalicion.
Kjo pasi sondazhet më të fundit nuk flasin për një fitues të padiskutueshëm.
Liderët britanikë kanë zhvilluar të mërkurën ditën e fundit të fushatës. Kryeministri David Cameron ka thënë se vendi është më i fuqishëm se pesë vjet më parë, edhe pse mbeten ende punë për t’u bërë. Ai ka thënë se konservatorët do t’i fitojnë zgjedhjet e së enjtes.
Redaksia Online
(JavaNews.al)
