Njerëzit që refuzojnë të vetëkarantinohen në Britani rrezikojnë të përfundojnë pas hekurave ose të gjobiten deri në 1000 paund.
Çdo person nga Anglia apo Uellsi që mohon të testohet për koronavirusin e dyshuar ose refuzon të vetëizolohet do të detyrohet nga policia.
Fuqia e emergjencës do ti japë të drejtën policisë që të përdorë forcën për të kapur personat që mund të infektojnë të tjerët.
Personat që dyshojnë se janë të infektuar duhet të qëndrojnë 14 ditë në spital ose në një vend të sigurt, thotë Rregullorja e Mbrojtjes së Shëndetit, e publikuar në faqen zyrtare të qeverisë.
Kushdo që përpiqet t’ia mbathë do arrestohet dhe më pas do merret vendimi i radhës për të.
Mosrespektimi është një vepër penale e dënueshme me gjobë deri në 1.000 paund. Ata që nuk pranojnë të paguajnë mund të burgosen gjithashtu, raporton “Daily Mail”.
Rregulloret e reja gjithashtu deklarojnë që ata që dyshohen se janë të infektuar do të bëjnë teste të detyrueshme.
Ata gjithashtu duhet të japin historinë e tyre të udhëtimit dhe një listë të atyre që kanë takuar kohët e fundit. Në rast se japin informacion të rremë, do të gjobiten.
g.kosovari
