Kryeministri britanik David Cameron deklaroi sot se do te largohet brenda tetorit.
“Do te perballemi me vendimet e medha. Britania ka marre nje vendim te qarte dhe ka nevoje per nje lidership te ri” – keshtu eshte shprehur Cameron ne nje konference te jashtezakonshme per shtyp mengjesin e se premtes.
Ai tha se ka rendesi te madhe stabiliteti financiar dhe se negociatat me BE do te vijojne me nje kryeminister te ri.
“Vullneti i popullit britanik është një urdhër që duhet respektuar”, tha Cameron jashtë rezidencës së tij në Downing Street.
***
Vota e britanikëve pro daljes nga Bashkimi Evropian ka shkaktuar një tronditje të madhe në union. Goditja e madhe që mori BE nga dalja e njërit prej vendeve më të fuqishme mund të mos jetë e vetmja, pasi tashmë frika për efektin domino po ndihet në të gjithë Bashkimin Evropian.
Mediat franceze raportojnë se disa politikanë në këtë vend kanë nisur fushatë për daljen e Francës nga BE. Sipas raportimeve, edhe në Francë ka nisur një fushatë për organizimin e një referendumi për të dalë nga unioni. Në krye të kësaj fushate janë grupimet nacionaliste. Ndërkohë, krerët e BE kanë nisur lëvizjet për të shmangur një kolaps të mundshëm në BE.
Presidenti i Parlamentit Evropian, Martin Schulz deklaroi sot se do të bisedonte me kancelaren gjermane, Angela Merkel për të mënjanuar një reaksion zinxhir pas votimit në favor të Brexit nga ana e britanikëve.
I pyetur nga rrjeti televiziv gjerman, ZDF për një reaksion të mundshëm zinxhir, Schulz tha se ”do të diskutoj me Merkelin për një mënjanim të tillë”.
“Reaksioni zinxhir që euroskeptikët po festojnë tani nuk duhet të ketë asnjë arsye”, theksoi ai.
Ndërkohë, ministri i Jashtëm gjerman, Frank-Walter Steinmeier deklaroi sot se referendumi në BM shënon një ditë të trishtë për Evropën dhe Britaninë e Madhe.
“Lajmet që vijnë nga Britania e Madhe janë një deziluzion. Ditë e trishtë për Evropën dhe Britaninë e Madhe”, tha në Twitter, në anglisht, Steinmeier./a.m.
