Shefi britanik i diplomacisë, Boris Johnson, do të shkojë në Rusi në javët në vijimë për të takuar homologun e tij Serguei Lavrov, njoftoi sot Ministria britanike e Punëve të Jashtme.
“Ministri pranoi një ftesë të homologut rus të Punëve të Jashtme Serguei Lavrov për të vajtur për vizitë në Moskë në javët në vijim”, thuhet në komunikatën e “Foreign Office”.
“Kjo nuk është një kthim në normalitet dhe ministri do të vazhdojë të tregohet i prerë mbi çështjet në të cilat kemi divergjenca me Rusinë”, theksoht në këtë komunikatë duke saktësuar se Siria dhe Ukraina figurojnë në menunë e bisedimeve.
Kjo është vizita e parë e një ministri britanik në Moskë që prej pesë vitesh, Londra ka qenë një nga mbrojtësit më të zjarrtë të sanksioneve perëndimore kundër Moskës për rolin e saj në krizën Ukrainase./b.d
