Avancimi i variantit indian (Delta) në Britaninë e Madhe ngadalësohet: infeksionet vazhdojnë të rriten, por me një normë që është përgjysmuar krahasuar me dy javë më parë. Dhe në këtë pikë shkencëtarët britanikë besojnë se brenda dy javësh virusi do të fillojë të tërhiqet: prandaj nuk duket se egziston frika e “valës së tretë”, por eshte thjesht një “mini-valë”.
Hipoteza e hapjes totale, e cila ishte shtyrë nga 21 qershor në 19 korrik, mund të afrohet në 5 korrik. Frenimi i variantit indian i detyrohet, edhe një herë, vaksinave: të cilat kanë provuar të jenë më efektive se sa pritej kundër mutacioneve të koronavirusit në terren.
Në fakt, nuk është për t’u habitur, se rritja e infeksioneve është përqendruar tek më të rinjtë, të cilët nuk janë imunizuar ende: ndërsa kurba midis të moshuarve është praktikisht e sheshtë. Një situatë që përkthehet gjithashtu në faktin se nuk ka pasur një rritje të konsiderueshme të vdekjeve dhe që deri tani vetëm 1 përqind e vendeve në spital janë të zëna nga pacientët Covid.
