Policia britanike ka arrestuar një shtetas shqiptar i cili u kap me një sasi të madhe droge e llojit kokainë. Shtetasi Mark Gjoni, u ndalua nga autoritet me një sasi prej 47 kilogramësh kokainë. Droga u gjet në banesën e tij në rrugën “Queens” në Londër.
Operacioni për ndalimin e tij u zhvillua nga struktura NCA, e njohur si “FBI-ja britanike”. 25-vjeçarit Gjoni iu sekuestruan edhe një sasi prej 250 mijë paundësh cash. Ai akuzohet edhe për pastrim parash dhe falsifikim dokumentesh. I riu jetonte në Britani si emigrant i jashtëligjshëm.
Fillimisht i riu u ndalua pasi iu gjetën 2 kg kokainë në automjet, por pas kontrollit në banesën e tij, u gjet sasia prej 47 kilogramësh.
Sipas policisë, nëse droga që iu kap shqiptarit do të dlite në treg, ajo do kapte një vlerë prej 4.9 milionë stërlinash.
/JavaNews/a.m.
