Katër të rinj janë arrestuar në Londër, me dyshimin për komplotimin e akteve terroriste në Mbretërinë e Bashkuar. Arrestimet erdhën si pjesë e një hetimi të vazhdueshëm nga Policia Metropolitane dhe Agjencia e Inteligjencës britanike MI5.
Të rinjtë e moshës 18 deri në 27 vjeç, u arrestuan në shtëpitë e tyre në lindje të Londrës të mërkurën, me dyshime për “ përgatitjen dhe nxitjen e akteve të terrorizmit”, tha në një deklaratë policia metropolitane. Identitetet e tyre nuk janë zbuluar. Katër të dyshuarit po mbahen në paraburgim në një stacion policor në jug të Londrës.
ma.me
