Procesi Brexit është marrë përkohësisht nën kontrollin e ligjvënësve britanikë, duke ia hequr kështu kryeministres britanike Theresa May. Kjo konsiderohet si një lëvizje e rrallë, e cila i vendos ligjvënësit britanikë në pozicion drejtues në këtë rast.
Por May ende shpreson të miratohet marrëveshja e saj, e refuzuar dy herë, është shprehur para votimit se nuk ka mbështetjen e duhur për ta sjellë për votim për të tretën herë planin e saj.
“Vazhdoj të diskutoj me kolegët e mi në Parlament për të fituar mbështetje dhe për të ecur përpara drejt Brexit. Jam skeptike ndaj ketij votimi që mund të çojë në një rezultat që është i panegociueshëm me BE-në. Asnjë qeveri nuk mund të japë çek të bardhë për t’u angazhuar ndaj një rezultati pa e ditur se cili do të jetë ai. Ndaj, unë nuk mund ta angazhoj qeverinë që të miratojë rezultatin e çfarëdo votimi të mbajtur nga kjo dhomë, por zotohem që të ketë një angazhim konstruktiv në këtë proces”, tha May, pergatiti Shqiptarja.com.
