47-vjeçari në foto është shqiptar dhe quhet Jorgo Zhuka. Ai u dënua dje në Londër me 18 muaj burg pasi iu provuan ngacmimet seksuale në të paktën 9 raste në autobusët urbanë të Londrës lindore.
Dënimi parashikon që pas 18 muajve burg ai do deportohet në Shqipëri dhe do t’i shënohet emri në Regjistrin e Maniakëve Seksualë për 10 vjet. Mes viktimave që dëshmuan kundër tij në gjyq ishte edhe një 13-vjeçare.
Ngacmimet kanë ndodhur mes gushtit dhe tetorit vitin e kaluar. Në rrethanat e ndjeshmërisë së lartë publike të krijuar pas ngjarjeve në Këln dhe Hamburg të Gjermanisë, ky rast londinez bëhet akoma dhe më i dëmshëm për imazhin e emigrantëve shqiptarë në Europë. / Dita
