Të udhëhequr nga 25-vjeçari shqiptar Asmirald Miraka, trafikantët kanë importuar në Britani drogë të klasit A me vlere miliona dhe shpërndarë atë nga Midlands deri në perëndim të Midlands, organizatë të cilën policia angleze e ka shkatërruar këtë vit.
Një ditë më parë gjykata britanike ka dhënë vendimin për bandën e shqiptarëve dhe trafikantëve të tjerë të huaj, të cilët janë dënuar me 130 vjet burg gjithsej.
Miraka dhe tre korrierët e tij shqiptarë e drejtonin trafikun nga Birmingham dhe përdornin makina të përshtatura posaçërisht për të transportuar kokainë dhe heroinë me vlerë të paktën 1.5 milion paund rreth qytetit Wolverhampton dhe Nottingham.
Trafikantët që jetonin në Wolverhampton, Levi Watson dhe Richard Chapman ishin pjesë e rrjetit të ngritur nga shqiptari Miraka, dhe punonin së bashku me Adam Whiteley nga Oldbury. Të tre janë tani pas hekurave.
Korrierët e kokës së trafikut, shqiptarët Desar Asllani, Arjol Cerriku dhe Aleks Asllani, thuhet se kishin hyrë në mënyrë të paligjshme në Britani të Madhe, dhe kryenin shpërndarësin e kokainë nga korriku i vitit 2015 dhe deri në Janar të vitit 2016.
Miraka i ndërronte rregullisht telefonat celularë për të shmangur zbulimin nga policia, por hetuesit kanë përdorur metodat dbhe taktikat e fshehta për të monitoruar shqiptarët.
Panorama/d.i.
