Presidenti rus Vladimir Putin deklaroi sot se Lindja e Mesme është në prag të një lufte në shkallë të plotë, pasi tensionet janë rritur ndjeshëm midis Izraelit dhe Iranit.
“Lufta që filloi një vit më parë në Gazë tani është përhapur në Liban. Vendet e tjera në rajon u prekën gjithashtu. Shkalla e konfrontimit midis Izraelit dhe Iranit është rritur ndjeshëm. E gjithë kjo i ngjan një reaksioni zinxhir dhe e vendos të gjithë Lindjen e Mesme në prag të një lufte në shkallë të gjerë”, është shprehur Putin, i ulur pranë presidentit kinez Xi Jinping në takimin e grupit BRICS + në qytetin e Kazanit në Vollgë të Rusisë.
Samiti i BRICS-it është takimi i parë i grupit të ekonomive të mëdha në zhvillim si Brazili, Rusia, India, Kina dhe Afrika e Jugut që kur u zgjerua në fillim të këtij viti, duke përfshirë Egjiptin, Arabinë e Bashkuar, Emiratet, Etiopinë dhe Iranin.
Mbledhja e BRICS-it dhe vendeve të tjera vë në pah një konvergjencë në rritje të kombeve që shpresojnë të shohin një ndryshim në ekuilibrin global të pushtetit dhe – në rastin e disave, si Moska, Pekini dhe Teherani, që kundërshtojnë drejtpërdrejt Perëndimin e udhëhequr nga Shtetet e Bashkuara.
/a.r
