Presidenti i Shteteve të Bashkuara, Barack Obama, tha se vendimi i Britanisë së Madhe për të braktisur Bashkimin Evropian “ngre shqetësime afatgjate për rritjen ekonomike globale”.
Ai tha se dalja e Britanisë nga blloku “do të ngrijë mundësitë e investimeve atje apo edhe në Evropë në përgjithësi”. Obama i bëri thirrje kryeministrit britanik dhe udhëheqësve të tjerë të BE-së që të sigurojnë proces të rregullt të largimit të Britanisë.
Ai i bëri këto komente në një samit të liderëve të Amerikës Veriore në Otavë. Në referendumin e 23 qershorit, qytetarët britanikë kanë votuar për të dalë nga BE-ja, pas më shumë se 40 vjetësh anëtarësi. Të mërkurën, liderët e BE-së i kanë kërkuar Britanisë që të respektojë parimin e lëvizjes së lirë të njerëzve nëse do që të vazhdojë qasjen në tregun e përbashkët.
ma.me
