Kabineti qeveritar në Britaninë e Madhe ka dhënë mbështetjen e tij këtë të mërkurë për draftmarrëveshjen e rakorduar mes negociatorëve britanikë e europianë për “Brexit”-in.
Këtë ka njoftuar në një dalje të jashtëzakonshme për mediet kryeministrja britanike, Theresa May, pak pasi doli nga një takim që zgjati më shumë se 5 orë me të gjithë pjesëtarët e kabinetit.
“Vendimi kolektiv i kabinetit ishte se qeveria duhej të binte dakord me draftin e marrëveshjes së shkëputjes dhe për të hartuar tashmë deklaratën politike”, tha May nga jashtë ambienteve të zyrës së saj në Downing Street.
Megjithatë, lideri Jeremy Corbyn tha se nuk besonte se marrëveshja , e përcaktuar në një dokument prej 585 faqesh, ishte në interesin kombëtar.
Zonja May duhet të japë një deklaratë në Dhomën e Ulët të enjten në mëngjes, shkruan BBC.
Ajo doli nga takimi i kabinetit maratonë të mërkurën në mbrëmje dhe deklaroi zgjedhjen përpara Mbretërisë së Bashkuar për t’u qartësuar.
a.ç
