Quhet Gina Miller, investitore britanike, me të shkuar modeleje dhe është një nga emrat më të lakuar sot në Britani. Gruaja, 51-vjeçarja së bashku me dy të tjerë kërkoi që Gjykata e Lartë në Britani të vendosë se kush duhet të kërkojë nisjen e bisedimeve për daljen e Britanisë nga Bashkimi Europian.
Me vendimin e fundit, Gjykata vendosi se duhet të jetë parlamenti që do votojë dhe kjo kryeministrja Miller. Sot, mediat britanike e kanë në faqet e para gruan, që i dha goditje të fortë qeverisë së Theresa May. Pasi ajo kishte menduar se do i niste vetë bisedimet për Brexit.
“E bukur, e vendosur dhe me shumë lidhje, ish-modelja e lindur në Amerikën e Jugut, ishte figura kryesore në betejën e zhvilluar në Gjykatën e Lartë”, shkruan Daily Mail për të.
Kurse The Guardian, e citon atë teksa sqaron pse veproi ashtu. “Unë thjesht nuk mund të flija rehat, shkoja në shtrat çdo natë dhe mendoja se çfarë do të thotë Brexit për fëmijët e mi, çfarë do të thotë kjo për të ardhmen, çka do të thotë për të gjithë?. Duke ditur se nuk kishte asnjë plan në vend, dhe duke e ditur se ne ishim me të vërtetë duke u përballur me një të ardhme të pabesë … unë vetëm ndjeva unë nuk kishte asnjë alternativë tjetër”- ka thënë ajo.
Miller është gruaja e një financieri milioner, i njohur edhe si “Mr. Hedge Fund”. Sot, Gina Miller ka një firmë të saj, bashkë me të shoqin, me një pasuri prej 100 milionë sterlina. Ata që bënë fushatën për qëndrimin e Britanisë në BE, kanë nisur ta quajnë “gruaja e shekullit”.
ma.me
