Mbrëmjen e djeshme një banesë është qëlluar me armë zjarri në Lundër të Tiranës. Denoncimi ka ardhur nga pronari i banesës, ndërkohë lidhur me këtë ka reaguar edhe policia.
Policia e Tiranës njofton se ngjarja ka ndodhur gjatë orëve të vona të natës, ndërkohë shton se po punohet për zbardhjen e plotë të kësaj ngjarje të rëndë.
Njoftimi i policisë:
“Më datë 17.05.2021, shtetasi Sh. B., kallëzon se gjatë natës, në fshatin Lundër, persona të paidentifikuar, dyshohet se kanë qëlluar me armë zjarri në fasadën e banesës së tij. Punohet për identifikimin dhe kapjen e autorëve”, njofton policia./ b.h
