Personi që shikoni në foto është Kostandinos Kaçifa. I veshur me rroba të ushtrisë greke, banorë të fshatit Bularat kanë konfirmuar se ai eshte minoritar. Minoritari 35-vjeçar jeton në Athinë dhe prej 1 jave ka shkuar në fshatin e tij në Bularat të Dropullit.
Ai qëlloi paraditen e sotme forcat e policisë së Gjirokastrës me breshëri kallashnikovi.
Konstandinos Kaçifa dyshohet se ka qenë i dehur kur qëlloi me armë. Ai njihet edhe si person që vuan nga depresioni, ndërsa mësohet gjithashtu se është i divorcuar.
***
Incident i rëndë në fshatin Bularat në Dropull të Gjirokastrës pak minuta para festës greke në përkujtim të ushtarëve grekë të rënë në luften Italo-Greke. Mesohet se Konstandinos Kacifas 35 vjeç banor i fshatit, ka qëlluar me automatik në ajër dhe më pas në drejtim të një makine policie.
Ngjarja ka ndodhur në mes të fshatit Bularat dhe 35-vjeçari ka qëlluar në distancë me armë automatike dhe ka ikur në drejtim të paditur. Policia ka mbërritur në vendngjarje dhe është vënë në kërkim të 35-vjeçarit i cili mendohet se ka qenë i pire. Ne fshat, 35-vjeçari njihet si person me probleme mendore. Policia ka vënë në përdorim dronë për të zbuluar ku fshihet autori.
Policia është vënë në ndjekje të tij, ndërkohë që paraprakisht dyshohet se ishte i pirë. Kacifas njihet në fshat si një person me probleme mendore. Në zonë po patrullojnë helikopterë, dhe dronë për të bërë të mundur kapjen e tij. Mësohet gjithashtu se në ndihmë të policisë së Gjirokastrës kanë shkuar edhe forcat RENEA dhe ato Shqiponja.
Njoftimi i policisë:
Bularat, Gjirokastër.
Rreth orës 10:00 në krye të fshatit Bularat, shtetasi Kostandinos Kaçifa, rreth 35 vjeç ka qëlluar me armë zjarri në ajër.
Menjëherë në drejtim të vendit nga vinin të shtënat kanë shkuar shërbimet e Policisë të cilat ishin të dislokuara në qendër të fshatit pasi do zhvillohej aktivitet me rastin e festës së Greqisë.
Shtetasi Kostandinos Kaçifa porsa ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tye.
Fatmirësisht nga të shtënat nuk ka punonjës policie të plagosur, por vetëm është thyer xhami i mjetit të policisë.
Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin.
Shtetasi Kostandinos Kaçifa është futur në thellësi të fshatit ku forcat “Shqiponja” dhe sherbimet e tjera të Drejtorisë Vendore të Policisë vijojnë krehjen e zonës për të bërë të mundur kapjen e tij.
Në ndihmë të shërbimeve të Policisë së DVP Gjirokastër kanë shkuar forcat speciale Renea.
Shtetasi Kostandinos Kaçifa jeton në Greqi dhe ka rreth një javë që ka ardhur në Bularat.
Vijon ndjekja.
a.ç
