Edhe një tjetër objekt i moçëm është rrënuar në Qendrën Historike të Prizrenit. E kjo e çon në pesë numrin e monumenteve të rrënuara për një periudhë një mujore.
I menjëhershëm ka qenë reagimi i Hajrulla Çekut nga organizata EC Ma Ndryshe, që e ka pasqyruar lajmin në Facebook.
“… e humbëm edhe një shtëpi të vjetër në Qendrën Historike të Prizrenit. Dinamika e krimit është në rritje, trashëgimia kulturore po shkatërrohet para syve të gjithëve. Ky është rasti i pestë brenda një muaji.
Me mosveprimin e tij, shteti po i hap rrugë edhe rrënimeve të radhës”, ka thënë Çeku, përcjell Koha.net. “Të gjithë ju që me vullnet po e shkatërroni trashëgiminë kulturore të Prizrenit dhe ju që e keni obligim ligjor me e mbrojt atë trashëgimi dhe zani nuk po ju ndihet, burgun hak e keni”, ka shtuar më tej. (b.an)
