Brenda këtij 4-vjeçari do të mbyllet pëfundimisht çështja e titujve të pronësisë në bujqësi. Kështu deklaroi kryeministri Edi Rama në Konferencën Kombëtare të Bujqësisë, teksa nënvizoi se tani jemi në fazën e zbatimit të ligjit.
Kryeministri deklaroi se tani duhet kaluar në fazën e zbatimit të plotë të ligjit dhe në pajijsen e të gjithë atyre që disponojnë tokë në bazë të ligjit me titullin e pronësisë
“Të zgjidhim përfundimisht çështjen e titullit të pronësisë në bujqësi. Ka hyrë në rrugën e zgjidhjes po tani duhet kaluar në fazën e zbatimit të plotë të ligjit dhe në pajijsen e të gjithë atyre që disponojnë tokë në bazë të ligjit me titullin e pronësisë. Duhet të përmbyllim përfundimisht ujitjen dhe kullimin. Është fatkeqësi politike që mbas çerekshekulli ne jemi pas në raport me ku ishim tek ujitja, dhe tek kullimi. Në këtë aspekt ne do vazhdojmë punën për garantimin e ujitjes në çdo hektar tokë bujqësore”, tha Rama.
javanews.al/a.ç
