Sot është një ditë e madhe. Apple prezanton modelin më të fundit të i-Phone.
Selia e re e Apple ka hapur dyert dhe duket vërtetë madhështore. Një udhëtim njëzet vjeçar deri në vitin 2017, viti kur Apple inauguron shtëpinë e re.
Ndërtimi në Apple Park është pranë përfundimit dhe kompania është duke i dhënë “dorën” e fundit teatrit ‘Steve Jobs’ ku pritet prezantimi i iPhone javën e ardhshme.
Kompani apple ka publikuar pamje filmike të kampusit jo vetëm jashtë por edhe brenda tij.
Teatri është 6 metra i lartë dhe rrethohet nga mure prej xhami.
Poshtë këmbëve të pjesëmarrësve gjendet një shtresë prej karboni dhe shtrihet në 11,148 metër katror.
Salla mund të akomodojë 1,000 njerëz.
Apple i vuri emrin teatrit në nderim të bashkëthemeluesit dhe CEO legjendar të kompanisë Steve Jobs.
Pas pak do të prezantohet modeli më të fundit të i-Phone, por tashmë risitë e modelit të ri janë publikuar. Konfirmohet se emri i modelit të fundit do të jetë iPhone X.
Telefoni do të kushtojë 1,000 dollar dhe do të prezantohet ditën e martë.
Dy telefonët e tjerë që do të prezantohen do të quhen iPhone 8 dhe iPhone 8 Plus.
Debutimi përkon me 10 vjetorin e iPhone, produktit më të suksesshëm të Apple.
Sipas “9to5Mac”, 8 dhe 8 Plus do të jenë përditësime të 7 dhe 7 Plus me panele xhami të pasëm, procesor të ri dhe teknologjinë e ngarkimit ëireless.
Megjithatë është Apple iPhone X që të gjithë kanë në radarët e tyre. Sipas Bloomberg telefoni vjen me ekran OLED 5.8 inç dhe sensorë 3D.
Informacionet e rrjedhura mund të acarojnë Apple, kompani e cila krenohet me ruajtjen e sekreteve të produkteve të saj. Mendohet se një punonjës i kompanisë ka shpërndarë informacione.
Vlera e tregut të Apple është 815 miliard dollar dhe me prezantimin e telefonit të ri pritet që gjigandi i silikonit të bëhet kompania e parë teknologjike me vlerë tregu prej 1 trilion dollarë.
