Bregu, e cila gëzon një popullaritet shumë të mirë në Shqipëri, e testuar kjo në disa sondazhe të ndryshme, u gjet jashtë listës së Partisë Demokratike. Ajo ka folur vazhdimisht edhe para natës kur u bënë listat, por edhe më vonë. Por sot ajo nuk e ka kursyer Lulzim Bashën aspak.
Ka dhënë shembullin e Gjermanisë naziste, Stalinit dhe Enver Hoxhës ku merreshin të rinj dhe përdoreshin për qëllime politike përmes metodave të shpëlarjes së trurit, siç e ka përshkruar Bregu.
Madje duke sjellë në vëmendje konceptin stalinist të “Njeriut të Ri” dhe me sa duket bën analologji me “Republikën e re”. Kemi bindjen se kur foli për “cekëtinë politike, për burrin bosh, zgavrën”, ajo po nënkuptonte në çdo moment Luzlim Bashën.
“Vërtet politika të përpin, por edhe ke nevojë për një lloj balance me realitetin. Mua me bezdis shumë kjo cekëtina njerëzore e njeriut politik. Ata që e kanë bërë rrugën vetë nuk humbasin kurrë. Ata që e kanë të fituar, janë si puna e zgavrës. Nuk me shqetëson askush që e gjen veten në këtë përkufizim. Ky është burri bosh. Mua më shqetëson, pjesa që ne nuk kemi kurrë një grup elitar mendimi. Të rinjtë e politikës, janë sot: jep një votë sot, angazhohuni sot dhe do të fitosh nesër”
Duke folur për fushatën, Bregu tha se nuk ishte ky një angazhim i plotë por që nuk e zgjodhi ajo këtë. “Kam qenë çdo ditë e përfshire duke takuar njerëz”, u shpreh ajo. /b.d
