Ish ministrja e integrimit, Majlinda Bregu, e komenton si një lajm shumë keq vendimin e britanikëve për të dalë nga Bashkimui Europian. Sipas saj, ky vendim pritet të ketë jo pak efekte edhe sa I përket vendeve të cilat aspirojnë për në BE. “Ishte një lajm i keq për të gjithë mbështetësit për anëtarësim në BE. Nuk mund të parashikoj çfarë do të ndodhë, por besoj se do të ketë mungesë vëmendje për të hapur bisedime për anëtarësime të reja për në BE”, shprehet Bregu.
Sipas saj, vendimi i britanikëve nuk ishte I papritur, dhe se sot e gjithë Europa do fillojë të ndjejë një ndryshim, I cili nuk dihet se ku do ta çojë. Bregu rezervohet të komentojë se cilat do të jenë efektet e përshkallëzuara të këtij vendimi.
“Nuk dihet se çfarë do të ndodhë me vendet e tjera. Nuk dihet edhe për Skocinë. Kur bëhet fjalë për vendet e vogla ky nuk është një lajm i mirë. Britania është rasti i parë, por Europa përballet prej vitesh me lëvizje për të dalë nga BE-ja. Në këtë realitet të ri Britania duhet të negociojë paketën ekonomike me BE. Sigurisht që do të ketë tronditje në tregjet financiare”, nënvizon Bregu.
Ma. Me
