Ish-deputeti demokrat Klevis Balliu dorëzoi sot në Prokurori disa prova ku pretendohet dhuna e ushtruar nga policia ndaj banorëve të Bregut të Lumit.
Duke folur për mediat pas dorëzimit të provave, ai tha se ka një ndasi të qartë, ku jo çdo efektiv policie është i standardit të duhur, por se dhunohen qytetarët me urdhër të Edi Ramës.
Sipas tij, policia është e përqendruar drejt dhunimit të protestuesve dhe jo të bandave të krimit.
“Sot armiku i policisë për shkak të Ramës, dhe kupolës së inkrimunuar dhe dehur të policisë së Shtetit, është qytetari shqiptar. Jetojmë në kohë të vështira, është krizë dramatike, politike dhe ekonomike. Dhunë si e keni parë te Bulevardi ka qenë e papranueshme, por nuk kemi asnjë të shoqëruar, vazhdon në punë shefi i komisariatit, që u kap me zë dhe figurë teksa dhunon një vajzë, që unë e dorëzova sot në prokurori”, u shpreh Balliu.
Ai shtoi se nuk ka asnjë rrugë tjetër, përveç revoltës mbarëkombëtare që të kthejë normalitetin në vend.
/a.rada
