Bregdeti i Ksamilit, njëri ndër plazhet më të bukur të vendit është “bojatisur” me një ngjyrë kafe të pisët. Shkak për këtë mesohet se është bërë një kompani që po kryen disa punime për kanalizimet në këtë zonë.
Në këtë pjesë të bukur të detit shqiptar, janë shkarkuar tubat me ujë dhe baltë, duke e shndërruar bregdetin aty, nga një “bukuri të rrallë” në një “Golem të shëmtuar”.
Fill pas kësaj ngjarje, ka reaguar Inspektorati i Mjedisit, i cili gjobiti subjektin. Ndër të tjera ISHM theksoi se ndotja është e parrezikshëm dhe jo me pasoja për bregdetin e Ksamilit.
“Subjekti kryen punimet me leje të bashkisë së Sarandës. Një grup pune ka mbërritur në bregdetin e Ksamilit. Kemi vendosur gjobë ndaj subjektit që kryen punimet. Ndotja e parrezikshme, jo me pasoja në bregdetin e Ksamilit”, thuhet në reagimin e ISHM-së.
Fotot janë postuar nga BW 
