Presidenti brazilian Luiz Inacio Lula da Silva ka deklaruar se vendet në zhvillim duhet të largohen nga dollari amerikan në favor të monedhave të tyre, në mënyrë që të zmbrapsin dominimin amerikan mbi sistemin financiar global.
Duke folur në Shanghai të enjten gjatë një vizite zyrtare në Kinë, Lula tha se grupi BRICS, i përbërë nga Brazili, Rusia, India, Kina dhe Afrika e Jugut, duhet të kërkojë një monedhë alternative ndaj dollarit për tregti.
“Çdo natë pyes veten pse të gjitha vendet duhet ta bazojnë tregtinë e tyre në dollar. Pse nuk mund të bëjmë tregti bazuar në monedhat tona?” tha ai . “Kush ishte ai që vendosi që dollari ishte valuta pas zhdukjes së standardit të arit?”
Udhëheqësi i majtë shtoi se “të gjithë varen nga vetëm një monedhë”, duke iu referuar dollarit dhe propozoi “një monedhë për të financuar marrëdhëniet tregtare midis Brazilit dhe Kinës, midis Brazilit dhe vendeve të tjera”.
/a.r
