Shefi i Organizatës për Siguri dhe Bashkëpunim në Evropë në Kosovë, Jan Braathu, ka konfirmuar ndihmën e këtij misioni në mbajtjen e zgjedhjeve të përgjithshme në Kosovë më 11 qershor.
Braathu në takim me anëtarët e Komisionit Qendror Zgjedhor, të enjten, ka theksuar se do të ishte shenjë e mirë kur institucionet e Kosovës nuk kanë nevojë për ndihmën e misionit të OSBE-së dhe se ai mund t’u thotë vetëm “arrivederci” (lamtumirë), shkruan Koha Ditore.
“Organizata ju pyet nëse dëshironi t’ ju ndihmojë, si t’ ju ndihmojmë, dhe nëse thoni se nuk keni nevojë për ndihmë, unë do të jem i gëzuar dhe kjo është shumë mirë”, ka thënë ai.
Në krahasim me zgjedhjet e kaluara, OSBE-ja, sipas tij do të ketë më pak punë.“Ne kemi lehtësuar procesin e zgjedhjeve në katër komunat e veriut. Më 2013 kanë qenë zgjedhjet e para ne veri dhe jemi të gëzuar për atë zhvillim. Mbështetja këtë vit është më e vogël, sesa viteve të kaluara, kjo është normale dhe jam i gëzuar për këtë”, ka thënë Braathu. (b.an)
