Pak ditë më parë Operacioni Forca e Ligjit i dërgoi formularin e vetëdeklarimit, për të provuar burimin e pasurisë, në orët e fundit është vënë në prangat e policisë së Gjirokastrës.
Bëhet fjalë për një person të shumëkërkuar prej 6 vitesh për drogë, pasi braktisi makinën me 115 kilogramë lëndë narkotike.
I arrestuari është Krenar Skënduli, 37 vjeç, banues në Lazarat, Gjirokastër.
37-vjeçari ishte i shpallur në kërkim pasi, në datën 6 janar të vitit 2014, në Këlcyrë, ka qeë duke drejtuar një automjet dhe pasi ka parë shërbimet e policisë ka kthyer automjetin dhe e ka braktisur në fshatin Peshtan.
Nga kontrolli i ushtruar nga shërbimet e policisë, në afërsi të mjetit u gjetën 115 kg lëndë narkotike kanabis sativa.
Prokuroria e Gjirokastrës ka dërguar urdhrin për ekzekutimin e vendimit penal të gjykatës, e cila e ka dënuar me 6 vite burg, për veprën penale “Prodhimi dhe shitja e lëndëve narkotike”.
/a.r
