Selami Jenishehri, kryetari i partisë së Pensionistëve, ka braktisur koalicionin e Sali Berishës, “Shqipëria Madhështore”, duke deklaruar se është mashtruar nga eksponentët e PD-së, madje shpërtheu dhe ndaj Berishës, për të cilin tha se ka hallin e SPAK. Jenishehri e deklaroi largimin nga koalicioni në emisionin “Të Paekspozuarit” në MCN TV, duke nënvizuar se njerëzit në listën e Berishës janë servilë!
I pyetur nëse do pranonte takim me Edi Ramën, ai deklaroi se nëse Rama e thërret për një kafe, do të shkonte patjetër, ndërkohë që risolli në vëmendje kërkesën e tij të kahershme për vendosjen e detektivit privat në Shqipëri, që ai thotë se mund të ndihmojë në rregullimin e vendit.
Biseda në studio:
Selami Jenishehri: Sali Berisha do të shpëtojë veten nga SPAK-u, vë servilat aty, njëri më i zi se tjetri. Ai çon dorën, çon edhe ai dorën… As nuk e lexojnë se çfarë kanë përpara. Nuk muund të ecësh para me këtë politikë. Ti do të shkosh në zgjedhje në 11 maj kur janë të paligjshme. Do të bëj kallëizm penal të gjithëve.
Ylli Rakipi: Si e shpjegon që pensionistët e duam shumë Edi Ramën, vdesin për Edi Ramën dhe ti nuk e do?
Selami Jenishehri: Unë kam qenë në koalicion me Ramën, kur vinte ai unë çohesha në këmbë dhe e respektoja. Ai tha nuk kam punë me ju, dal vetëm. Aty ku e ka gabim Rama unë ia kam thënë në Parlament. Ai nëse do të rregullojë Shqipërinë, ai vë dedektivin privat…
Ylli Rakipi: Eh po, kemi luftuar për këtë, që emisionin e parë që ka ardhur, ky do detektiv privat, por nuk e bëjnë.
Selami Jenishehri: Unë nuk vjedh dhe nuk kam frikë, prandaj e hedhin poshtë ata. Rama e hedh poshtë që mos kontrollohen ministrat.
Ylli Rakipi: Koalicioni Shqipëria Madhështore, duket si ideja e Trumpit?
Selami Jenishehri: Po qe ideja Trump unë e respektoj se ai ka kokat e botës rreth e përqark. Po të jenë zgjedhjet e ligjshme unë e repsketoj. Por është i paligjshëm dhe unë nuk votoj fare për këta. Nëse Rama bën zgjedhje të ligjshme, bisedojmë.
Ylli Rakipi: Rama ndau disa bonuse, ty të ra gjë?
Selami Jenishehri: Mua më dhanë 100 mijë lek më shumë. I thashe e ke ngatërruar, jo tha. Unë e kam pensionin 1 mln lek, pension suplementar.
Ylli Rakipi: Ua ç’është ky pension që ke ti?
Selami Jenishehri: A do të të sjell dokumentin po nuk besove?
Ylli Rakipi: Atëherë pensionet qenkan të larta.
Selami Jenishehri: Jo ai është pensioni i deputetit.
Denis Dyrnjaja: Më pyesin njerëzit kur ke pirë kafe me Ramën herën e fundit?
Selami Jenishehri: Qysh kur kam le, asnjëherë…
Ylli Rakipi: Po edhe Rama mund ta thërrasë. Pse mos pijë kafe me Jenishehrin?
Selami Jenishehri: Po më thirri, unë shkoj.
Ylli Rakipi: Më thotë njeri, pyete Jenishehrin, se ka thënë që Shqipëria mund të bëhet kampion në futboll. Kemi dhe këtë Dukën zv president e kështu…
Selami Jenishehri: Unë kam nxjerr një mënyrë me të bërë futbollist të kalibrit ndërmombëtar. Nuk dëgjon kryetari i federatës.
Ylli Rakipi: I kanë ngordhur pulat atyre kanë halle…
