Është përfolur gjatë për mundësinë e të tjera lëvizjeve brenda qeverisë pas largimit të Nasip Naços nga Ministria e Drejtësisë, dhe këto zëra konfirmohen nga një prej deputetëve më të afërt të kryetarit të Lëvizjes Socialiste për Integrim.
Gjatë një prononcimi për News 24, deputeti Spartak Braho, flet për ndryshime të tjera në kabinetin qeveritar, i cili brenda dhjetorit pritet të jetë i rifreskuar sipas tij.
“Këto janë impulse jo vetëm për ato që ka thënë kryetari Meta, por edhe për ato që ka thënë edhe kryeministri Rama. Burri luan, guri s’luan. Shpresojmë edhe për ndryshime të tjera. Gradualisht brenda këtij viti besoj se do ketë edhe përmirësime të tjera”, deklaroi Braho për “News24”.
Edhe kryeparlamentari Meta la të kuptohej në prononcimin e tij për mediat sot pasdite se “nuk mund të thoshte që s’ka ndryshime në kabinetin qeveritar”.
